ವೆದಿ ಸೆವಾ ಪವಿತ್ರ್ ಸಭೆಂತ್ ಏಕ್ ಆಪುರ್ಬಾಯೆಚಿ ಸೆವಾ. ಸೊಮ್ಯಾಚಾ ಮೆಜಾ ಭಂವ್ತಿಂ ರಾವೊನ್ ಆಲ್ತಾರಿಚಿ ಸೆವಾ ದಿಂವ್ಚ್ಯಾ ಆಪ್ಲ್ಯಾ ಭುರ್ಗ್ಯಾಂಕ್ ಪಳೆತಾನಾ ಆವಯ್-ಬಾಪಾಯ್ಕ್ ವರ್ತೊ ಸಂತೊಸ್ ಆನಿ ಅಭಿಮಾನ್ ಭೊಗ್ತಾ.
ವೆದಿ ಸೆವೆಚಾ ಭುರ್ಗ್ಯಾಂಚ್ಯಾ ಮೆಳಾಚೊ ಶಾರೊತಿ ಸಾಂ. ಜುವಾಂವ್ ಬರ್ಕ್‌ಮನ್ಸ್. ಹ್ಯಾ ಮೆಳಾಚೊ ಶೆವಟ್ ಭುರ್ಗ್ಯಾಂಚ್ಯಾ ಕಾಳ್ಜಾಂನಿ ಪವಿತ್ರ್ ಎವ್ಕರಿಸ್ತಾಚೊ ಮೋಗ್ ಆನಿ ದೇವ್‌ಭಕ್ತ್ ಚಡೊಂವ್ಚೊ, ಯಾಜಕಾಂ ಬರಾಬರ್ ಮಿಸಾಚಾ ಬಲಿದಾನಾ ವೆಳಾರ್ ಆಲ್ತಾರಿ ಲಾಗಿಂ ರಾಂವ್ಚ್ಯಾ ಹ್ಯಾ ಭುರ್ಗ್ಯಾಂ ಪಯ್ಕಿ ಜಾಯ್ತ್ಯಾಂನಿ ಯಾಜಕ್ ಜಾಂವ್ಚ್ಯಾಕ್ ತಾಂಕಾಂಚ್ ಸೊಮ್ಯಾಕ್ ಸಮರ್ಪಿಲಾಂ.
ವೆದಿ ಸೆವಕ್ ಜಾವ್ನಾಸ್ಚ್ಯಾ ಹ್ಯಾ ನೆಂಟ್ಯಾ ಭುರ್ಗ್ಯಾಂ ಥಂಯ್ ದೇವ್ ಭಕ್ತ್ ವಾಡೊಂವ್ಚ್ಯಾಕ್ ವೆದಿ ಸೆವಕಾಂಕ್ ಥೊಡ್ಯೊ ರೆಗ್ರ್ಯೊ ಪಾಳುಂಕ್ ಆಸಾತ್. ವ್ಹಡ್ ಮನಾನ್ ಆನಿ ಭಕ್ತಿನ್ ಪವಿತ್ರ್ ಸಾಕ್ರಾಮೆಂತಾಚಾ ಮುಖ್ಲ್ಯಾನ್ ಪಾಶಾರ್ ಜಾತಾನಾ ಸಾಕ್ರಾಮೆಂತಾಕ್ ನಮಸ್ಕಾರ್ ಕರ್‍ಚೊ, ಇಗರ್ಜೆಂತ್ ಮೌನ್ ಸಾಂಬಾಳ್ನ್ ರಾಂವ್ಚೆಂ, ಮೀಸಾ ವೆಳಾರ್ ಸುಡಾಳ್ ಥರಾನ್ ಮಾಗ್ಣಿಂ ಮ್ಹಣ್ಚಿಂ, ಅಶೆಂ ಸರ್ವಾಂಕ್ ಭಕ್ತಿವಂತ್ ಜಿಣ್ಯೆಕ್ ಪ್ರೇರಿತ್ ಕರ್‍ಚೆಂ.
ಆಮ್ಚ್ಯಾ ಫಿರ್ಗಜೆಂತ್ ವೆದಿ ಸೆವಕಾಂಚಾ ಮೆಳಾಂತ್ ಪನ್ನಾಸಾ ವಯ್ರ್ ಭುರ್ಗಿಂ ಆಸಾತ್. ಬರ್‍ಯೆ ಜಿಣ್ಯೆಚಾ ಚಾಲಿಂತ್ ತಾಂಕಾಂ ತರ್ಬೆತಿ ಕರ್‍ಚ್ಯಾಕ್ ಹರ್‍ಯೆಕಾ ಹಫ್ತ್ಯಾಂತ್ ಅತ್ಮಿಕ್ ದಿರೆಕ್ತೊರ್ ತಾಂಕಾಂ ಜಮಾತೆ ವಿಶ್ಯಾಂತ್ ಶಿಕೊವ್ಣ್ ದೀವ್ನ್, ಮಿಸಾಚಾ ಬಲಿದಾನಾಂತ್ ಭಕ್ತಿನ್ ಭಾಗ್ ಘೆಂವ್ಚ್ಯಾಕ್ ತರ್ಬೆತಿ ದಿತಾತ್.
-
Welcome to Holy Family Church, Brahmavara.