Associations

Y.C.S. ಯುವ ವಿದ್ಯಾರ್ಥಿ ಸಂಚಾಲನ್

Y.C.S. ಯುವ ವಿದ್ಯಾರ್ಥಿಚೆಂ ಸಂಚಾಲನ್. ಹ್ಯಾ ಸಂಚಾಲನಾಚೊ ಸ್ಥಾಪಕ್ ಕಾರ್ಡಿನಲ್ ಜೋಸೆಫ್ ಕಾರ್‍ಡೊಯ್ನ್ ಹಾಣೆ 1930 ಇಸ್ವೆಂತ್ Young Christian Student ಸಂಘ್ ಸ್ಥಾಪನ್ ಕೆಲೊ.

ಮಂಗ್ಳುರ್ ದಿಯೆಸೆಜಿಂತ್ ಹ್ಯಾ ಸಂಚಾಲನಾಕ್ ಸುರ್ವಾತ್ ದಿಲ್ಲಿ 1987 ಇಸ್ವೆಂತ್. ಪಿ.ಯು.ಸಿ. ಶಿಕ್ತೆಲೆ ವಿದ್ಯಾರ್ಥಿ ಯುವಜಣ್ ಜಾಂವ್ಚ್ಯಾ ಹುಂಬ್ರಾರ್ ಆಸ್ತಾನಾ ಸಾರ್ಕೆಂ ಮಾರ್ಗದರ್ಶನ್ ದಿಂವ್ಚ್ಯಾ ಖಾತಿರ್ ಹೆಂ ಸಂಚಾಲನ್ ಕ್ರಿಯಾತ್ಮಕ್ ರಿತಿನ್ ವಾವ್ರ್ ಕರ್‍ನ್ ಆಸಾ.

Y.C.S. ಸಂಚಾಲನಾಚೊ ಉದ್ದೇಶ್ : ದೆವಾಚೆಂ ರಾಜ್ ವ ನವಿ ಸಮಾಜ್ ರೂಪಿತ್ ಕರ್ಚಿ, ಸ್ವ-ಪರಿವರ್ತನಾ ದ್ವಾರಿಂ ಸಮಾಜಿಕ್ ಪರಿವರ್ತನ್.

Y.C.S. ಸಂಚಾಲನಾಚೆಂ ಕಾರ್ಯ ವಿಧಾನ್ : ಪಳೆ-ಪಾರ್ಕಿ-ಕಾರ್ಯಾಕ್ ದೇಂವ್.

Y.C.S. ಸಂಚಾಲನಾಂತ್ ಘಡಿತ್ ಗುಂಡಾಯೆನ್ ಸಮ್ಜುನ್ ತ್ಯಾ ಘಡಿತಾಂತ್ಲಿಂ ಮೊಲಾಂ ದೈವಿಕ್ ಸಂದೇಶ್ ಸ್ವ-ಮೆತೆರ್‍ಪಣ್ ತಜ್ವೀಜ್ ಕರ್ನ್ ಗರ್ಜೆಚೊ ಮನೋಭಾವ್ ರುತಾ ಕರ್ನ್ ಜಿಣ್ಯೆಂತ್ ಬದ್ಲಾವಣ್ ಹಾಡ್ನ್ ಮಿಸಾಂವ್ ಕಾರ್ಯೆಂ ಹಾತಿಂ ಘೆವ್ನ್ ಯೋಜನ್ ಜ್ಯಾರಿ ಕರ್ತಾತ್.

Y.C.S. ಸಂಚಾಲನಾಂತ್ ಆಮ್ಚೆ ಯುವ ವಿದ್ಯಾರ್ಥಿ ಹರ್ಯೆಕಾ ಸನ್ವಾರಾ ಮಿಸಾಚಿ ಲಿತುರ್ಜಿ, ಮಹಿನ್ಯಾಚಾ ಪಯ್ಲಾ ಆಯ್ತಾರಾ ಮಿಸಾಚೆರ್ ಗಾಯನ್, ಭುರ್ಗ್ಯಾಂಚಾ ಆಚರಣಾ ದಿಸಾ ಸಾಂಸ್ಕೃತಿಕ್ ಕಾರ್ಯಕ್ರಮ್ ಪರಿಸರೋತ್ಸವ್ ದಿವಸ್, ಆಶ್ರಮಾಂಕ್ ಭೆಟ್, ನತಲಾಂ ಫೆಸ್ತಾಕ್ ಇಂದ್ರುಜ್ ಮ್ಹಣ್ಜೆ(ಕ್ಯಾರಲ್ಸ್ ನತಲಾ ಫೆಸ್ತಾಚಿ ಸಾಂಜ್), ಫಿರ್ಗಜ್ ಫೆಸ್ತಾ ದಿಸಾ ಸ್ಟಾಲಾಂತ್ ಖೆಳ್, ಯಾತ್ರಿಕ್ ಪಯ್ಣ್, ವಾರಾಡ್ಯಾಂತ್ ಆರಂಭಿಕ್ ತರ್ಬೆತಿ ಶಿಬಿರ್, ವಾರಾಡೊ ಸಮಾವೇಶ್, ಕುಟ್ಮಾ ಜಿವಿತಾಚೆಂ ಶಿಬಿರ್, ವಾರಾಡ್ಯಾಂತ್ ಸಾಂಸ್ಕೃತಿಕ್ ಕಾರ್ಯಕ್ರಮಾಂ ತಶೆಂಚ್ ದಿಯೆಸೆಜಿಂತ್ ಜಿಣ್ಯೆ ಕಲಾ ಶಿಬಿರ್, ಖೆಳಾ ಪಂದ್ಯಾಟ್, ಸಾಂಸ್ಕೃತಿಕ್ ಕಾರ್ಯಕ್ರಮ್, ಪ್ರಾಚಿತ್ ಕಾಳಾರ್ ಖುರ್ಸಾವಾಟ್, ಹಳ್ಳಿ ಜೀವನ್ ಶಿಬಿರಾಂತ್ ಭಾಗ್ ಘೆವ್ನ್ ತಾಂಚಿ ನಿಸ್ವಾರ್ಥಿ ಸೆವಾ ದೀವ್ನ್ ಆಸಾತ್.

Y.C.S. ಸಂಚಾಲನಾಂತ್ ಯುವ ವಿದ್ಯಾರ್ಥಿ ಪವಿತ್ರ್ ಪುಸ್ತಕಾಚಿಂ ಸತಾಂ ಸಮ್ಜೊನ್ ಜಿಣಿಯೆಂತ್ ಆನಿ ಸಮಾಜೆಂತ್ ರುತಾ ಕರುಂಕ್ ಶಿಕ್ತಾತ್.

2004ವೆರ್ ಮಾನಾಧಿಕ್ ಡೆನಿಸ್ ಸಲ್ಡಾನಾ ಬಾಪಾನ್ ಆಮ್ಚ್ಯಾ ಫಿರ್ಗಜೆಂತ್ Y.C.S. ಸ್ಥಾಪನ್ ಕೆಲ್ಲಿಂ.